MATHEMATICS IS THE BASIS OF ALL EXACT SCIENCES. A CHILD WHO KNOWS THIS SCIENCE WELL WILL GROW UP TO BE SMART, OPEN-MINDED AND SUCCESSFUL IN ANY FIELD.
ONE WHO DOES NOT KNOW MATHEMATICS DOES NOT KNOW THE TRUTH. THOSE WHO DO NOT UNDERSTAND IT LIVE IN THE DARKNESS.
THE MAIN TASK OF MATHEMATICS IS TO FIND THE HIDDEN ORDER IN THE CHAOS THAT SURROUNDS US
IMOMOV JASURBEK AXRORJON O‘G‘LI
.jpg)
Imomov Jasurbek Axrorjon o‘g‘li, 2000-yil 24-avgustda Farg‘ona viloyati Buvayda tumanida tug‘ilgan. Millati o‘zbek.
O‘qish mobaynida bir necha bor maktab, tuman, viloyat va respublika olimpiadalarida qatnashib sovrinli o‘rinlarni qo‘lga kiritgan.
2007-yil Buvayda tumanidagi 21-sonli umumiy o‘rta ta’lim maktabining 1-sinfiga qabul qilingan. 2011-yil esa Buvayda tumanidagi 2-sonli viloyat ixtisoslashtirilgan davlat umumta’lim maktab internatida o‘qishni davom ettirgan.
2012-2013-o‘quv yilida 6-sinflar o‘rtasida o‘tkazilgan “Bilimlar bellashuvi” musobaqasining tuman bosqichida 1-o‘rinni, viloyat bosqichida esa 2-o‘rinni qo‘lga kiritgan.
2014-yil 14 yoshgacha bo‘lgan maktab o‘quvchilari o‘rtasida Janubiy Koreada o‘tkazilgan Xalqaro Matematika Musobaqasining (IMC) yakka tartibdagi bellashuvida kumush medal va jamoviy tartibdagi bellashuvida 2-darajali medalni qo‘lga kiritgan.
2016-2017-o‘quv yilida Buxoro viloyatidagi Qorako‘l akademik litseyiga qabul qilingan.
2018-yilda Qozog‘istonning Olma-ota shahrida o‘tkazilgan Xalqaro Jautikov Olimpiadasida bronza medalni qo‘lga kiritgan. Shu yili Ruminiyada o‘tkazilgan 59-Xalqaro Matematika Olimpiadasida (IMO) diplomga sazovor bo‘lgan.
2019-yil Qozog‘istonning Olma-ota shahrida o‘tkazilgan Xalqaro Jautikov Olimpiadasida kumush medal va Buyuk Britaniyada o‘tkazilgan 60-Xalqaro Matematika Olimpiadasida (IMO) bronza medaliga sazovor bo‘lgan.
2019-yilda imtiyozli asosda O‘zbekiston milliy universitetining matematika fakultetiga qabul qilingan.
O‘sha yili talabalar o‘rtasida o‘tkaziladigan “Sibir matematika olimpiadasi”da 1-o‘rinni olishga muvaffaq bo‘lgan.
2020-yilda universitet talabalari o‘rtasida o‘tkaziladigan 27-Xalqaro Matematika Musobaqasida (IMC) kumush medal sovrindori bo‘lgan.
2020-yil Prezident tomonidan “Mard o‘g‘lon” davlat mukofoti bilan taqdirlandi.
2021-yil universitet talabalari o‘rtasida o‘tkazilgan 28-Xalqaro Matematika Musobaqasida (IMC) oltin medal sovrindori bo‘lgan.
O‘zbekiston milliy universiteti, Matematika fakulteti, Matematika yo‘nalishining 3-bosqich talabasi hisoblanadi.